Gerð starfsferilsskráa var á dagskrá síðast. Bókin Amasing resumes var aðeins til umræðu, ég var búin að lesa fyrstu kaflana í henni. Hlakka til þegar ég les meira.
Hins vegar áttum við að ræða um ritgerðarefni. Ég verð að játa að ég var ekki alveg tilbúin, en kom með tvær uppástungur. Annars vegar um Minnistækni en hins vegar um áhrif tónlistar á nám. Anna greip það á lofti og fór strax að tala um námsstíla, en það er ekki akkúrat það sem ég meinti. Hinsvegar hef ég nú einhverntímann skrifað eitthvað um námsstíla þannig að ég er ekki alveg tóm! Strax gripu þá einhverjar aðrar hugmyndina um minnistækni. Svo er ég líka spennt fyrir hraðnámi, en í því felst sambland beggja. O jæja.

Ritgerðin má vera skrifuð af tveimur, en ekki eru gerðar meiri kröfur til verka sem tveir standa að, en verks sem einn gerir. Um 50 klst eiga að vera á bak við verkið og ég myndi þá halda að 100 klst ættu að vera á bak við hjá tveimur. Ég vil samt helst vera ein, það er svo erfitt að vera undir pressu frá öðrum.